492. 日食 ê 紅色佛光 ft. 阿錕 (20220530)

<p>彼个島嶼後壁是發生啥物代誌？有一寡咱臆會著--ê，有一寡咱臆袂著--ê。臆會著--ê，應該是圖內底 ê 光線，這嘛叫做 佛光，是 ùi 日頭 來--ê。臆袂著--ê，是 日頭 tī 頂個月底拄著 日偏食，去予 月娘 閘去矣。臆會著--ê，是 日光 遮爾光，ùi 地平線下底 ê 雲 ê 閬縫透光過來。臆袂著--ê，是 佛光 遮爾紅，可能是 地球大氣層 內底有足濟 氣溶膠，kā 大部份 ê 藍光散射去矣。臆會著--ê，是向望會當疊出一張 月娘 kah 日頭 同齊出現 ê 紀念性景色。是講真不幸，tī 遮，ùi 烏拉圭 向 阿根廷 ê 方向看，雲 kā 日食閘牢矣！這嘛毋是完全臆袂著。毋閣，等 in 包袱仔款款咧轉去了後，煞發現翕著美麗閣光 ê 紅色佛光。這真正是臆袂著--ê 啦！順紲講一下，彼个 tī 地平線 ê 島嶼，其實是兩个。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220530/ <br />影像：Fefo Bouvier <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220530.html</p> <br /> <br/>Powered by <a href="https://firstory.me">Firstory Hosting</a>