456. Leonard 彗星 ê 長尾溜 ft. 阿錕 (20220103)

<p>你無法度用望遠鏡看著 Leonard 彗星這條 超級長 ê 彗尾，因為伊傷長矣啦！你嘛無法度用雙筒望遠鏡看著彗尾，因為猶是傷長！嘛袂當用目睭直接看著，因為伊傷暗矣！你若是 tī 城市內底嘛看無，因為 天頂傷光矣！毋閣你若是 tī 一个烏-mih-mà ê 所在，會當用 kha-mé-lah tī 倚地平線 ê 所在翕著。彗星今仔日離太陽上近，拄仔好 tī 水星 kah 金星 中央。是講 彗星 若是猶活咧，你可能猶有機會。這張相片 是頂個月 tī 西班牙 Canary 群島 ê La Palma 島 翕 ê。是 kā 兩張 深空闊幅 kha-mé-lah 翕 ê 影像鬥出來 ê。紲落來，Leonard 彗星 若是有活咧，彗核賰 ê 部份就會離開 太陽系，永遠袂閣轉來！ <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220103/ <br />影像：Jan Hattenbach <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220103.html</p> <br /> <br/>Powered by <a href="https://firstory.me">Firstory Hosting</a>