455. 綴銀河行 ft. 阿錕 (20210703)

<p>你袂當 踮銀河面頂行。毋閣你會當 tī 這个烏墨墨 ê 夜空內底 認捌伊。Tùi 目睭來講，tī 烏暗無月娘 ê 暗時，這个迒 tī 天頂無夠光 ê 光跡，to̍h 親像是一條天堂路。發光 ê 天體光帶內底，是足濟暗淡、遙遠天星 ê 光。光帶中央去予閘光 ê 星際塗粉雲切做兩爿。這條光帶 to̍h chhāi tī 咱 ê 銀河 盤內底。伊叫這个名是因為伊看起來親像是一條牛奶路。Ùi Galileo 時代開始，銀河 to̍h 去予望遠鏡觀星者看足濟矣，內底有 一大陣算袂清 ê 恆星 kah 宇宙奇蹟。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210703/ <br />影像：Rolf Weisenfeld <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210703.html</p> <br /> <br/>Powered by <a href="https://firstory.me">Firstory Hosting</a>