454. 葡萄牙天頂 ê 恆星 kah 行星 ft. 阿錕 (20220418)

<p>這个任務本底是欲記錄 暗時 tī 天頂 leh 飛 ê 鳥仔，毋閣落尾煞變做 leh 記錄這个美麗 ê 夜空。這張闊幅 ê 拼鬥相片 是 2020 年 tī 葡萄牙 Mértola 市 ê 金色 草埔 翕 ê。Tī 這个暗摸摸 ê 所在，咱隨有法度看著天頂彼个 tī 夜空發光、媠甲予人讚嘆 ê 彎弓橋：就是咱 銀河 系 ê 中央帶。毋閣這个夜空毋若按呢爾爾。天頂閣有薄雲，就親像是金色 ê 光帶。火星 tī 上倒爿遐，土星 kah 木星 嘛同齊出現，攏 tī 上正爿遐，kah 火星相對面。相片頂懸遐，閣會當揣著一粒足光 ê 織女星。較遠、較暗 ê 仙女座 是 tī 倒爿，就 tī 銀河 彎弓 ê 下底。這個月有幾若粒行星，會 tī 暗頭仔彼陣，踮天頂排做一逝。這寡行星有：木星、金星、火星、kah 土星。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220418/ <br />影像：Miguel Claro (TWAN, Dark Sky Alqueva) <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220418.html</p> <br /> <br/>Powered by <a href="https://firstory.me">Firstory Hosting</a>