421. 欲去天星 ê 路 ft. 阿錕 (20220315)

<p>這張相片，是一條欲去天頂揣天星 ê 路。這條路是 tī 智利 La Silla 天文台 附近，頭前有 ESO ê 3.6 公尺闊 ê 望遠鏡。倒爿是 這馬當 leh 起 ê BlackGEM 望遠鏡 ê 基座，看起來敢若足 siak-pha ê。這組望遠鏡是光學望遠鏡陣列，未來會用來做 LIGO kah 其他探測器 量 重力波 ê 光學對應天體 ê 定位工課。是講，其實毋若按呢 neh！相片 ê 正爿有紅色 氣輝 kā 夜空照予光，相片 ê 中央有 銀河系 ê 中央帶 趨趨迒過去。咱會當 看著 木星 tī 相片中央 ê 銀河中央帶面頂，嘛會當看著 土星 tī 3.6 公尺闊 ê 望遠鏡面頂。閣有咱 銀河系 上大 ê 兩个衛星星系，大麥哲倫星系 kah 小麥哲倫星系，to̍h tī 相片正爿遐。這張全景相片 是 kā 2019 年 6 月 30 翕 ê 幾若張 15 秒鐘久 ê 感光相片疊做一張 ê。兩工後，La Silla 天文台 to̍h 去拄著 罕得看著 ê 日全食 矣。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220315/ <br />影像：ESO, Petr Horálek (ESO Photo Ambassador, Inst. of Physics in Opava) <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220315.html</p> <br /> <br/>Powered by <a href="https://firstory.me">Firstory Hosting</a>