397. 月光下 ê 極光 ft. 阿錕 (20220212)

<p>這个湖是 tī 瑞典 ê Stockholm 北爿 20 公里遠 ê 所在。這工 ê 月娘是膨月，冰 tī 月光下 leh 唱歌，月光 踮 堅凍 ê 湖面 照出樹仔 ê 烏影。這个迷人 ê 夜景是 tī 二月 10 號 翕 ê。極光爍咧爍咧，敢若窗仔布，tī 夜空 leh 跳舞。是講大自然 tī 北方暗暝 ê 演出，定定有這款 小型地磁風暴 造成 ê 極光。太空天氣出現暴風雨 ê 現象，是 日冕噴出物 造成 ê 影響。日冕噴出物 是 幾若工前 日珥爆發 產生 ê 物件，伊才拄掃過咱地球 ê 磁層。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220212/ <br />影像：P-M Hedén (Clear Skies, TWAN) <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220212.html</p> <br /> <br/>Powered by <a href="https://firstory.me">Firstory Hosting</a>