394. Mirach ê 幽靈 ft. 蔡老師 (20211028)

<p>若是講著鬼，Mirach ê 幽靈 敢若無遐爾 恐怖。Mirach ê 幽靈 是一个暗暗霧霧 ê 星系。毋閣天文學家知影講，伊拄仔好 kah 一粒足光 ê 恆星 Mirach ê 視線方向 giōng-欲仝。Mirach 嘛叫做 仙女座 β，to̍h tī 這个星場 ê 中央。Mirach 是一粒 紅巨 星，離咱有 200 光年遠。伊比太陽較冷，毋閣比太陽較大粒，伊實際上嘛比太陽較光。Ùi 大部份 ê 望遠鏡來看，爍光 kah 繞射光尖 藏 tī Mirach 附近 ê 天體，才會予 這个暗暗霧霧 ê 星系 看起來 敢若是 反射 Mirach 恆星光 ê 結果，to̍h 親像是伊 ê 幽靈仝款。Tī 這張清楚 ê 相片 內底，Mirach ê 正爿面頂有 Mirach ê 幽靈，伊去予編做 NGC 404，離咱有 1000 萬光年遠。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20211028/ <br />影像：John Chumack <br />音樂：P!SCO - 鼎鼎 <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap211028.html</p> <br /> <br/>Powered by <a href="https://firstory.me">Firstory Hosting</a>