392. 冰島天頂 ê 捲螺仔極光 ft. 蔡老師 (20210912)

<p>天頂是發生啥物代誌？是極光啦！這个極光 是 tī 2015 年翕 ê。因為伊遮爾光 koh 發展遮爾緊，才會予 冰島 人注意著。這个極光是 ùi 太陽風暴來 ê。風暴內底有 ùi 太陽爆發出來 ê 高能粒子，幾工後 會 ùi 保護地球 ê 磁層 ê 閬縫 迵入來。雖然講 咱有法度 辨識 這个 捲螺仔花樣。毋閣有 創造力 ê 人 可能會 kā 這个複雜 ê 光 當做是 凊凊彩彩 to̍h 看會著 ê 大氣 幻影。這張相片 ê 前景是 tī Ölfusá 河，彼當陣 ê 路燈 kā Selfoss 市 ê 橋照甲 光-iàⁿ-iàⁿ。低雲後壁 ê 月娘 是十五暝左右。太陽 ê 活動 會 影響著地球 ê 極光。太陽活動極小期 按照歷史來看，會恬 11 冬。極小期結束了後，極光嘛會沓沓仔增加。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210912/ <br />影像：Davide Necchi <br />音樂：P!SCO - 鼎鼎 <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap210912.html</p> <br /> <br/>Powered by <a href="https://firstory.me">Firstory Hosting</a>