335. 地球頭頂 ê JWST 太空望遠鏡 ft. 阿錕 (20211226)

<p>咱這馬閣有一台新 ê 太空望遠鏡矣！這台叫做 JWST 太空望遠鏡，伊毋若比 哈伯太空望遠鏡 ê 鏡面 大 5 倍以上，而且閣會當比 哈伯太空望遠鏡 提著閣較好 ê 紅外線 影像。這張相片 是昨昏 tī 地球頂懸 ê JWST 太空望遠鏡。伊才拄 ùi Ariane 五號火箭 ê 頂節火箭擲出來。這台火箭是 ùi 南美洲 ê 法屬 Guiana 發射 ê。後個月 JWST 會行到 太陽-地球 系統 ê L2 點 附近，彼是一个會 kah 地球仝步踅太陽 ê 點。Ùi 這馬開始到紲落來 5 個月 ê 時間，JWST 會沓沓仔 kā 伊 摺起來 ê 鏡面 kah 規組 ê 精密科學 儀器 拍開，看 in 是毋是會當正常運作。若是無問題，JWST 就會 ùi 2022 年熱天開始，研究 宇宙中 ê 星系 kah 銀河系 內底 ê 系外行星，就是 踅其他恆星 leh 行 ê 行星。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20211226/ <br />影像：Arianespace, ESA, NASA, CSA, CNES <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap211226.html <br /> <br/>Powered by <a href="https://firstory.me">Firstory Hosting</a></p>