328. 南方 ê 雙生仔座流星雨 ft. 阿錕 (20211216)

<p>這張相片是 12 月 13/14 tī 烏拉圭南部庄跤 ê 暗暝翕 ê。火金蛄 to̍h tī 月光下底爍咧爍咧。這暗 ê 天氣有淡薄仔雲。一年一擺 ê 雙生仔座流星雨 to̍h ùi 天頂落到雲內底。這張組合相片是向南方翕 ê，是 kā 點半鐘內底翕著 ê 相片疊做一張 ê。雙生仔座流星雨 ê 輻射點是 tī 北方，所以反輻射點會 tī 南方。按呢你 to̍h 會當 tī 這張相片看著 雙生仔流星 ê 光巡 攏行綴南方 ê 地平線下底去。是講流星雨 ê 輻射點 kah 反輻射點 是透視想像出來 ê。地球行過 神祕小行星 Phaethon 3200 ê 塗粉軌跡 ê 時陣，遮 ê 塗粉粒 to̍h 會產生雙生仔座流星雨，綴塗粉軌跡 ê 平行方向 leh 行。In 到地球 ê 大氣層了後，to̍h 用一秒鐘 22 公里 ê 速度 leh 行。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20211216/ <br />影像：Fefo Bouvier <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap211216.html <br /> <br/>Powered by <a href="https://firstory.me">Firstory Hosting</a></p>