281. 馬頭星雲 kah 火舌星雲 ft. 阿錕 (20211103)

<p>馬頭星雲 是天頂一个足有名 ê 星雲。你會當 tī 這張相片 上正爿 ê 柑仔色 發射星雲 遐，看著較暗彼塊烏雲。這个 馬頭 看--起來是烏 ê，這是因為伊是一塊袂透光 ê 塗粉 雲，to̍h chhāi tī 較光 ê 發射星雲 頭前。To̍h 親像 地球大氣層 ê 雲仝款，這塊宇宙雲嘛拄仔好看--起來 親像是一項物件。幾若千年了後，雲 ê 內部運動 to̍h 會改變伊 ê 外形矣。發射 星雲 ê 柑仔色 是 因為 電子 kah 水素 原子 ê 質子 復合 造成 ê。影像 ê 倒爿下跤是 火舌星雲，伊嘛是一个柑仔色 ê 星雲，內底有足複雜 ê 暗塗粉雲絲。咱閣看會著兩个較有名 ê 反射星雲：上倒爿 ê 圓形星雲 IC 432，kah 馬頭星雲倒爿下跤 ê 藍色 星雲 NGC 2023。In ê 色光主要攏是 反射 in 中央恆星 ê 光。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20211103/ <br />影像：Wissam Ayoub <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap211103.html <br /> <br/>Powered by <a href="https://firstory.me">Firstory Hosting</a></p>