271. 3D ê Bennu 小行星 ft. 阿錕 (20211023)

<p>Kā 你 ê 3D 目鏡提來囥 tī 小行星 101955 Bennu 面頂看。這个小小 ê 太陽系世界差不多是 帝國大樓（比 500 公尺閣較短）ê 大細。伊敢若是一个干樂仔，粗耙耙 ê 表面有落甲規四界 ê 大岩石。這幅 3D 圖是 2018 年 12 月 3 號 OSIRIS_REx 太空船 用面頂 ê PolyCam kha-mé-lah tī 離小行星 80 公里遠 ê 所在翕 ê 3D 浮雕。OSIRIS_REx 太空船 tī Bennu 小行星 ê 岩石表面 提著標本 了後，已經 tī 今年 5 月離開小行星，這馬已經 tī 轉來地球 ê 路-lih 矣。這台機器人太空船按算欲 tī 2023 年 9 月 ê 時陣 kā 標本提轉來地球。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20211023/ <br />影像：NASA, GSFC, U. Arizona - Stereo Image Copyright: Patrick Vantuyne <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap211023.html <br /> <br/>Powered by <a href="https://firstory.me">Firstory Hosting</a></p>