237. 土星 ê 暗暝 ft. 阿錕 (20210911)

<p>土星 tī 地球 ê 夜空 猶是遮爾光。伊美麗 ê 望遠鏡景色 kah 美麗 ê 土星環定定予伊 tī 天星晚會 內底成做主角。毋閣這个遮爾美麗 ê 土星環 <br />kah 土星暗暝，是無可能 tī 倚太陽這爿 ê 望遠鏡翕著，是愛 ùi 另外彼爿才有法度翕。因為倚太陽這爿干焦有法度看著 土星 ê <br />日時。事實上，這張土星影像是 Cassini 太空船 翕 ê。這是土星去予薄薄 ê 太陽光照甲親像新月 kah 無照著光 ê 土星暗暝。In ê 烏影 to̍h <br />投射 tī 闊 koh 複雜 ê 土星環系統。Cassini 是地球送去 ê 機器人太空船，伊踅土星 13 冬了後，tī 2017 年 9 月 15 <br />駛入去這粒氣態巨行星 ê 大氣層。這張宏偉 ê 拼鬥影像是 kā Cassini 闊幅 kha-mé-lah tī 伊 落入去土星 進前 2 工記錄 ê <br />相片組合起來 ê。咱無機會閣看著土星 ê 暗暝矣，除非閣有 另外一台 ùi 地球送去 ê 太空船 踅土星 leh 行。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210911/ <br />影像：NASA, JPL-Caltech, Space Science Institute, Mindaugas Macijauskas <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210911.html <br /> <br/>Powered by <a href="https://firstory.me">Firstory Hosting</a></p>