215. Tī 太陽系內底落一粒球 ft. 阿錕 (20210825)

<p>一粒球落 tī 地球、木星、抑是天王星，是佗位會落較緊？這个動畫展示 tī 太陽系內底幾个有名 ê 天體 面頂，假設無 空氣阻力 ê 影響，若是有一粒球 ùi <br />表面 1 公里懸 ê 所在落-loài，會是按怎。引力 kah 天體 ê 質量有關。若是較大質量 ê 天體，引力 to̍h 較大。毋閣 引力 嘛 kah <br />天體距離有關。距離愈短，球 to̍h 落愈緊。Kā 質量 kah 距離 ê 影響合起來，可能會予你看著一个意外 ê 現象：天王星 ê 質量雖然是 地球 ê 14 <br />倍以上，球落 tī 伊面頂，比落 tī 地球面頂較慢。會發生這款現象，是因為天王星 ê 密度足低 ê。低到伊 ê 雲離伊大部份 ê 質量較遠。雖然講 <br />落-loài ê 球 會加速，毋閣你若是 tī 球頂，你袂感覺球 leh 加速。這是因為你 tī 自由落體 ê 狀況。上開始講著 ê 三粒行星 ê 問題，tī <br />影片 內底演予你看。一粒球落 tī 木星 ê 速度，是比 落 tī 地球 抑是 天王星 較緊。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210825/ <br />影像：James O’Donoghue (JAXA) & Rami Mandow (Space Australia) <br />文稿：James O’Donoghue <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210825.html <br /> <br/>Powered by <a href="https://firstory.me">Firstory Hosting</a></p>