206. 鬱金香星雲 kah 天鵝座 X-1 ft. 阿錕 (20210729)

<p>這張長長 ê 望遠鏡影像 是綴著咱 ê 銀河盤 ùi 有豐富星雲 ê 天鵝 座方向去看。這个星雲一般是叫做鬱金香星雲。Tī 中央面頂上光 ê 發光雲是 ùi <br />星際氣體 kah 塗粉來 ê。伊 tī 1959 年 天文學家 Stewart Sharpless 編 ê 天體目錄內底揣會著，編做 Sh2-101。這个美麗 <br />ê 鬱金香星系有 70 光年闊，伊 to̍h 開 tī 8000 光年遠 ê 所在。這是用哈伯色盤來顯像 ê，星雲 leh 發光 ê 是，紅色 ê 硫磺，青色 <br />ê 水素、kah 藍色 ê 酸素。Ùi 少年高能恆星來 ê 紫外光輻射 to̍h tī 天鵝座 OB3 星協 ê 邊仔。包括有 O 型星 HDE <br />227018，伊 kā 鬱金香星雲內底 ê 原子 離子化，發出發射光。Tī 這个視場內底是微類星體 天鵝座 X-1。伊 tùi 咱地球來講是上強 ê <br />X-光天體之一。這个較暗 ê 藍色彎曲衝擊波前小可仔看有，是烏洞吸積盤內底 ê 噴流 kā 驅動 ê。伊 to̍h tī 這个宇宙鬱金香花葉 ê 面頂，to̍h <br />是這幅影像頂懸 ê 所在。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210729/ <br />影像：Carlos Uriarte <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210729.html <br /> <br/>Powered by <a href="https://firstory.me">Firstory Hosting</a></p>