205. 完美 ê 捲螺仔星系 ft. 阿錕 (20210813)

<p>這个 捲螺仔星系 to̍h 算毋是上完美 ê，上無嘛足食相 ê。M74 這个 華麗 ê 正向星系，是一个有幾十億粒恆星 ê 島宇宙，離咱有 3200 <br />萬光年遠，to̍h tī 雙魚座 ê 方向。M74 去予分類做 Sc 星系。伊優美 ê 捲螺仔手骨，是一个 宏偉 ê 設計，會當 ùi 藍光星團 kah 烏暗 <br />ê 宇宙塗粉 帶追蹤著。這个清楚 ê 組合相片 是 ùi 哈伯太空望遠鏡 ê 先進巡天 kha-mé-lah ê 影像資料建構出來 ê。M74 ê 盤面差不多有 <br />3 萬光年闊。這張相片有記錄酸素原子發射 ê 感光，而且紅光嘛 kā 星系 ê 大型恆星形成區標--出來。M74 比 Messier 星表 內底大部份星系 ê <br />表面光度較低，所以伊有當時仔嘛叫做 幻影星系。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210813/ <br />影像提供：NASA, ESA, Hubble, HLA <br />資料處理：Mehmet Hakan Ozsarac <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210813.html <br /> <br/>Powered by <a href="https://firstory.me">Firstory Hosting</a></p>