198. Tī 下底 ê 英仙座流星 ft. 阿錕 (20210808)

<p>Tī 地球 ê 人通常是攑頭看流星雨。毋閣太空人 Ron Garan tī 2011 年 8 月 13 翕 ê 這張 出眾 ê 相片，是 àⁿ-頭看 ê <br />英仙座流星。Ùi Ron Garan tī 海拔 380 公里懸 ê 踅地 國際太空站 面頂 ê 視角 來看，英仙座流星 ê 光巡是 tī 下底。In 是 ùi <br />Swift-Tuttle 彗星落落來、掃過 ê 塗粉，去予加溫 燒出白光 ê 結果。這寡 發光 ê 彗星塗粉 粒，用一秒鐘 60 公里緊 ê 速度，迵過地球面頂 <br />100 公里懸、厚厚 ê 大氣層。Tī 這幅圖內底，流星閃光 to̍h tī 中央倚正爿，tī 地球發光邊界弧 kah 青光 氣輝 層 ê 下底，拄仔好 tī <br />足光 ê 大角星 下跤。你有想欲 攑頭看 流星雨無？你足好運 ê！2021 年 英仙座流星雨 變上濟 ê 時陣，to̍h tī 這禮拜。今年 to̍h 算是 <br />足暗 ê 流星，嘛會當 tī 晴和 ê 夜空下，踮烏暗 ê 所在看著。因為月娘無-tī--lih。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210808/ <br />影像：NASA ISS Expedition 28 Crew, Ron Garan <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210808.html <br /> <br/>Powered by <a href="https://firstory.me">Firstory Hosting</a></p>