#182 Ùi 近地點 kàu 遠地點 ft. 阿錕 (20210708)

<p>Ùi 近地點 kàu 遠地點 <br />https://apod.tw/daily/20210708/ <br /> <br />2021 年 ê 遠日點 發生 tī 7 月 5 號。彼是地球長株圓軌道面頂，離太陽上遠彼點。是講，地球 kah 太陽 ê 距離毋是用來決定季節 ê。季節是 <br />ùi 地球自轉軸 ê 趨度 決定 ê，所以 7 月 tī 北半球猶是熱天，tī 南半球猶是寒天。毋閣 7 月 5 號這工 ê 太陽，確實 ùi 地球來看是上細粒 <br />ê。這張組合相片是 kā 兩張用仝一支望遠鏡 kah kha-mé-lah 翕 ê 太陽相片綴予齊齊。倒爿彼半張是 tī 2017 年，欲到近地點（1 月 2 <br />號）彼陣翕 ê。近地點 to̍h 是地球軌道面頂，離太陽上近彼點。正爿彼半張是拄仔好 tī 遠地點進前翕 ê。太陽 tī 近地點 kah 遠地點 ê <br />視直徑變化，比 3 葩閣較加淡薄仔。若無這張相片，to̍h 會較歹注意著。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Richard Jaworski <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210708.html <br /> <br/>Powered by <a href="https://firstory.me">Firstory Hosting</a></p>