#178 樹林仔內底 ê 夜景：銀河 ê 窗仔門 ft. 阿錕 (20210719)

<p>樹林仔內底 ê 夜景：銀河 ê 窗仔門 <br />https://apod.tw/daily/20210719/ <br /> <br />這位 kha-mé-lah sàng 進前 to̍h 一直想欲翕這張相片。伊知影 tī 頭殼頂 ê 天體 是上光 ê，因為 in ê 光較袂去予 大氣層內底 ê <br />空氣 散射去。伊嘛知影咱 銀河系 ê 核心，會 tī 今年這陣 tī 澳洲 南部 半暝 ê 時陣，直直 peh 到天頂。按照伊心內 ê 構圖，伊勇敢行入去 <br />Kuipto 森林內底。遮有懸 kah 看起來是 輻射形 ê 杉仔，kā 大部份 ê 天空閘牢矣，毋閣無遮爾清氣。伊 to̍h kā 這个去予樹林仔箍起來 ê <br />窗仔門景色，kah 遠方 ê 天景組合做伊心內 ê 構圖。伊攏總翕 16 張相片，內底有樹林仔 kah 銀河系。心宿二 是 咱銀河中心盤 倒爿翕粒上光 ê <br />柑仔色恆星。半人馬座 Alpha 星 是影像中央正爿上光 ê 恆星。咱 銀河中心 to̍h tī 心宿二下跤。閣幾若點鐘了後，地球自轉 to̍h 會予銀河盤 <br />peh--起來向倒爿行去，毋閣隨 to̍h 會去予樹林仔閘去。毋閣 kha-mé-lah sàng 心內 ê 構圖已經翕著矣，to̍h tī 遮。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Will Godward <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210719.html <br /> <br/>Powered by <a href="https://firstory.me">Firstory Hosting</a></p>