#176 天蠍座 ê 烏塔 ft. 阿錕 (20210715)

<p>天蠍座 ê 烏塔 <br />https://apod.tw/daily/20210715/ <br /> <br />Ùi 這个尾溜有足-kheh ê 星場 ê 蛛形星座 天蠍座 ê 剪影來看，這个宇宙塗粉雲予人聯想到一个 不祥 ê 烏塔。實際上，這个 華麗 ê 望遠鏡影像 <br />差不多有 40 光年闊，內底 ê 烏暗星雲，有幾若簇 ê 塗粉 kah 分子氣體 崩塌，形成恆星。Tī 這幅影像面頂，一簇一簇 ê 嘛叫做 彗星雲球。In <br />是去予 NGC 6231 內底有足燒恆星 ê OB 星協 發出 ê 強烈紫外光輻射掃做堆 ê 雲。這款能量足強 ê 紫外光，嘛激發雲球邊仔 ê 水素氣體 <br />產生紅光。藏 tī 塗粉內底較燒 ê 恆星，tī 較藍 ê 反射星雲 彼搭。NGC 6231 這个烏塔，kah 伊 ê 星雲伴，離咱差不多有 5000 光年遠。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像資料：Martin Pugh <br />影像處理：Rocco Sung <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210715.html <br /> <br/>Powered by <a href="https://firstory.me">Firstory Hosting</a></p>