#169 來揣月娘 ft. 阿錕 (20210711)

<p>來揣月娘 <br />https://apod.tw/daily/20210711/ <br /> <br />月娘 tī 佗位？伊 to̍h 藏 tī 相片內底。這馬拄仔好是十五暝，這 規粒月娘 應該是足好揣 ê。毋閣連 kha-mé-lah sàng 遮爾金 ê 目睭 <br />to̍h 攏揣無，to̍h 算伊知影月娘 tī 佗位。其實是愛用伊 ê kha-mé-lah 長時間感光 才勉強看有啦！你這馬可能 歡喜 <br />講你已經揣著矣！毋閣伊是毋是足歹揣 ê？有一个原因是，因為這張相片是 tī 月全食 彼工翕 ê。彼當陣地球 ê 烏影 kā 月球 閘著，煞予月娘比平常時 ê <br />十五暝閣較暗。另外一个原因是，這張 tī 美國 Colorado 州翕 ê 相片，才拄 tī 日出進前翕 ê。月娘 tī 天頂拄仔好 tī 日頭 ê <br />相對面。這表示講，日頭這馬 tī 地平線下底，毋閣猶是會當 kā 天頂 小可仔照予光。上尾一个原因是，月娘 tī 地平線面頂 2 度懸 ê <br />所在爾爾。這个時陣，tī kha-mé-lah kah 地平線之間 厚厚 ê 大氣，kā 足濟 背景月娘 ê 光線散射出去。這張是 tī 2012 年翕 ê <br />相片，12 分鐘了後，日頭 to̍h peh-起來地平線面頂偷看，月娘 to̍h lòe--去矣。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Jimmy Westlake (Colorado Mountain College) <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210711.html <br /> <br/>Powered by <a href="https://firstory.me">Firstory Hosting</a></p>