#159 月全食 ê 月華 ft. 阿錕 (20210609)

<p>月全食 ê 月華 <br />https://apod.tw/daily/20210609/ <br /> <br />這粒月娘看起來足奇怪欸！這暗是十五暝，毋閣今年這个時間，又閣叫做 花月。毋閣這毋是伊奇怪 ê 理由。月圓 逐個月 攏會拄著。這粒月娘是一粒 <br />超級月娘，意思是講月圓時，是月球踅伊小可仔 長株圓 軌道 ê 時陣，行到上倚地球彼陣。較奇怪 ê 是，這粒超級月娘有淡薄仔較大，嘛比平常時十五暝 ê <br />月娘較光，所以伊才會叫做超級花月。月娘這馬拄仔好拄著 月全食。食月看起來 干焦較奇怪、較暗、無平光，而且定定是紅色 <br />ê，有當時仔會叫做血紅色。所以，這粒月娘嘛叫做超級花血月。這粒月娘頭前有薄雲。這寡雲 tī 月娘邊仔產生一个 微微 ê 月華，予伊看起來毋若變較奇怪，閣 變彩色 <br />ê。這粒月娘是感光足久 ê 影像，所以才會 tī 正爿下跤，看著背景遠方 ê 銀河系 心臟。這粒月娘、月影、銀河、kah 這个色光是頂個月 tī 澳洲 New <br />South Wales 省 Cassilis 翕 ê 孤張影像。（事後有 kā 兩張較淺 ê 影像疊做伙，才看會著較清楚 ê 銀河。） <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Helmut Eder <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210609.html <br /> <br/>Powered by <a href="https://firstory.me">Firstory Hosting</a></p>