1018. Juno 太空船翕--ê 木衛一 Io ft. 阿錕 (20231023)

<p>閣翕著一張新 ê 相片矣！木衛一 Io ê 火山是一直咧噴。為著欲了解這个現象，NASA ê Juno 機器人太空船開始連紲拜訪這粒 奇怪 ê 衛星。Io kah 咱 ê 月球是差不多大細，毋過因為木星 kah 其他木衛 ê 重力搝搦，伊 ê 內部去予熁燒，表面變甲全火山。這張相片是 頂禮拜 Juno 太空船 ùi Io 頂懸 1 萬 2000 公里懸 ê 所在飛過翕--ê，下底是危險 ê 活跳世界。Io ê 表面 去予硫磺 kah 堅凍 ê 二酸化硫 kā 變做黃色、柑仔色、kah 咖啡色。Juno 飛過火山 ê 時陣伊 當咧 噴煙，就是相片頂懸暗暗 ê 雲煙。研究 Io ê 火山 kah 雲煙，會當幫贊咱人類閣較了解 木星這个複雜 ê 系統，包括伊 ê 衛星、木星環、極光，是按怎產生交互作用。Juno 太空船按算欲 tī 紲落來幾若個月，用 10 倍近 ê 距離飛過 Io 2 擺。一擺 tī 12 月，另外一擺 tī 2024 年 2 月。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20231023/ <br />影像來源：NASA, JPL-Caltech, SwRI, MSSS <br />資料處理 &amp; 版權：Ted Stryk &amp; Fernando García Navarro <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NSYSU) <br />原文：https://apod.nasa.gov/apod/ap231023.html</p> <br /> <br/>Powered by <a href="https://firstory.me">Firstory Hosting</a>