1006. 藏 tī 獵戶座星雲內底 ê Webb 影像 ft. 阿錕 (20231010)

<p>獵戶座大星雲內底有藏足濟恆星。咱若是用可見光直接看，獵戶座 內底有足濟細塊細塊、霧霧 ê 光斑。毋過 這張 用 Webb 太空望遠鏡 翕--ê 彩色影像，有紅光 kah 近紅外線 ê 觀測資料。相片有翕著 獵戶座星雲 足 清楚 ê 細節。伊是一个無閒𩑾插 ê 星雲，內底有少年恆星、高溫氣體、kah 烏暗塗粉。替換 ê 彩色影像 是仝一區，是 近紅外線 ê 觀測資料。驅動 獵戶座星雲 (M42) ê 是 四邊形星團，是 M42 中心一陣足光 ê 恆星。恆星邊仔這寡霧霧 leh 發光 ê 雲絲，主要是去予熁燒 ê 星際 塗粉。斟酌檢查這寡影像了後，煞 意外發現一大陣 木星質量雙星 (JuMBOs)，就是兩粒一組 ê 木星質量天體。In 可能會提供咱一寡線索，幫贊咱了解 恆星 是按怎形成--ê。規个 獵戶座星雲 複合體包括 馬頭星雲，會 tī 未來幾若百萬年內散去。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20231010/ <br />影像來源 kah 許可：NASA, ESA, CSA, JWST <br />影像處理：M. McCaughrean &amp; S. Pearson <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NSYSU) <br />原文：https://apod.nasa.gov/apod/ap231010.html</p> <br /> <br/>Powered by <a href="https://firstory.me">Firstory Hosting</a>