1002. 60 秒就無去：日落 ê 青爍現象 ft. 阿綠 (20231025)

<p>60 秒以內，這粒欲落去 ê 日頭就會變做青色--ê。實際上，日頭 頭頂毋但會出現青光，閣會出現波湧，而且是出現 tī 規粒日頭 ê 邊緣。日頭本身是無改變，這兩款 效應 攏是因為看 tùi 地球大氣 ê 高溫 kah 低溫層造成--ê。這款特別 ê 色光就是 青爍，這是因為大氣層毋但會改變背景影像，嘛會 kā 色光色散到無仝方向，就親像 稜鏡 分光仝款。這支影片是這個月初 tī 美國 Hawaii 海岸翕--ê。影片有 60 秒，你 看到上尾 欲煞進前，日頭 頂懸有一部份家己停 tī 太空中，毋但變做 青色，嘛變做 藍色。了後日頭就隨勼去無去矣，愛等到明仔載才會出現。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20231025/ <br />影像：Tengyu Cai <br />音樂：P!SCO - 鼎鼎 <br />聲優：阿綠 <br />翻譯：An-Li Tsai (NSYSU) <br />原文：https://apod.nasa.gov/apod/ap231025.html</p> <br /> <br/>Powered by <a href="https://firstory.me">Firstory Hosting</a>