Vatican Radio News in Latin 11.02.2023

Die deutsche Übersetzung siehe unten! “HEBDÓMADA PAPAE” Notítiae Vaticánae Latíne rédditae Die undécimo mensis Februárii anno bismillésimo vicésimo tértio TITULI In Audiéntia Generáli Papa iter memorávit in África et confirmávit: «Sat violéntia et demíssio ánimi; spes sit!». Póntifex mentem convértit ad víctimas terrae motus Sýria et Túrcia et adhortátur ad solidarietátem: «Orámus pro eis». Núntius televisíficus Francísci Papae pro Die Mundiáli contra commércium hóminum: «Turpi huic pesti caveámus ». Salútem plúrimam ómnibus vobis auscultántibus dicit Eugénius Murrali et bene felicitérque sit vobis audiéntibus núntios latína língua prolátos. NOTITIAE Mens Papae Francísci ad iter suum recens in África, in Congo scílicet et Sudánia Austráli, íterum convérsa est in Audiéntia Generáli praetéritae fériae quartae. De his refert Alexánder De Carolis: Fere “libéllus de itínere” fuit, grato ánimo ad Dóminum refértus, qui ei concéssit, ut duas civitátes áfricas visitáret et sómnium perfíceret pópulis Congénsi et Sudaniénsi Austráli adeúndi, a die tricésimo primo Ianuárii ad diem quintum Februárii. Audiéntia Generális tempus fuit praecípua quaedam repeténdi, sícuti exémpli grátia mónitum illum «Sat África prave uti!», Kinsásae in Congo dictum; vel occúrsum «cum víctimis violéntiae in Congo ori