巴西古早時代 ê 星座 ft. Tsai-Wen Lin (20210112)

<p>巴西古早時代 ê 星座 <br />https://apod.tw/daily/20210112/ <br /> <br />咱 ê 夜空有真濟故事。每一个歷史文化，攏會 kā 一寡 in 上有歷史 ê 傳說，寄託佇 天星 ê 身上。每一代看著遮 ê 星座，聽著星座 ê 故事，to̍h <br />kā 遮 ê 故事傳落來。佇這張影像內底，是咱 較無熟似 ê 老人星座，這是主要蹛佇 巴西 ê 南美洲 原住民 Tupi 人 真熟似 ê 星座。老人座若是用咱 <br />ê 星座來看，伊 ê 頭殼是咱 ê 畢宿星團，伊 ê 跤是 獵戶座 ê 皮帶。佇 Tupi 人 ê 傳說 內底，伊 ê 另外一跤去予伊彼咧無歡喜 ê <br />某斬斷去矣。所以伊另外一跤才會斷佇 ê 柑仔色 ê 參宿四 彼位。上倒爿 ê 昴宿星團，會使 kā 當做是伊頭殼頂 ê羽飾。佇 這張影像，這个跛跤 ê <br />老人拄仔好佮頭前這个跛另外一跤 ê 人做伴。夜空 ê 傳說 實在是真重要，伊毋但記錄 文化遺產，嘛記錄 人類 ê 智慧佮想像力。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Rodrigo Guerra <br />音樂：PiSCO - 鼎鼎 <br />聲優：Tsai-Wen Lin <br />翻譯：An-Li Tsai (NCU) <br />原文：https://apod.nasa.gov/apod/ap210112.html <br /> <br/>Powered by <a href="https://firstory.me">Firstory Hosting</a></p>