930. M64：烏目睭星系 ê 特寫 ft. 阿綠 (20230720)

<p>這个壯麗 ê 捲螺仔星系是 Messier 64，伊定定去 hŏng 叫做 烏目睭星系，抑是叫做 睏美人星系，因為伊 tī 望遠鏡內底看起來有 烏烏 ê 目睭皮。這張是 Hubble 太空望遠鏡翕 ê 影像，伊翕著 ê 捲螺仔星系中心區，差不多有 7400 光年闊。M64 就 tī 北天星座 后鬃座 方向 1700 萬光年遠 ê 所在。這寡量足大 ê 塗粉雲，kā M64 中央區 閘著一部份，kah 少年 ê 藍光星團、恆星形成區發紅光 ê 水素 濫濫做伙。毋過壯觀 ê 塗粉雲 毋是 這个星系 唯一特別 ê 部份。觀測結果 kā 咱講，M64 實際上是兩个仝圓心、倒剾踅 ê 系統。M64 內底所有 ê 恆星攏 kah 星系中心區 ê 星際氣體踅仝一个方向。毋過中心區外口 一直到 4 萬光年遠 ê 氣體，煞 踅 無仝方向。伊有 塗粉箍出來 ê 目睭 kah 奇怪 ê 轉踅，這可能是兩个星系 tī 幾若十億年前合併 ê 結果。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230720/ <br />影像來源：NASA, ESA, Hubble, HLA <br />資料處理：Jonathan Lodge <br />音樂：P!SCO - 鼎鼎 <br />聲優：阿綠 <br />翻譯：An-Li Tsai (NCU) <br />原文：https://apod.nasa.gov/apod/ap230720.html</p> <br /> <br/>Powered by <a href="https://firstory.me">Firstory Hosting</a>