232. 西 Virginia 州 ê 火虹 ft. 阿錕 (20210830)

<p>這个雲是發生啥物代誌？遠方捲雲 ê 冰晶 to̍h 親像是浮 tī 天頂 ê 細片 稜鏡。伊 ê 環地平線弧 kah 地平線 <br />平行，外形敢若是火舌仝款，所以有人私底下 kā 叫做 火虹。若是欲看著 環地平線弧，太陽 上無愛 tī 天頂 58 度懸、捲雲愛 tī 下跤，to̍h <br />親像是這幅圖內底 ê 毛捲雲按呢。足濟扁扁 ê、六角形 ê 冰晶是組成捲雲 ê 原料。In 愛 照水平方向排好勢，才會當用仝款 ê 方式好好仔 <br />反射太陽光。所以這款 環地平線 弧 較罕得 看著。這个火虹 是這個月初 tī 美國 西 Virginia 州 ê North Fork 山 附近 翕 ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210830/ <br />影像：Christa Harbig <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210830.html <br /> <br/>Powered by <a href="https://firstory.me">Firstory Hosting</a></p>