221. 象管星雲 kah 宇宙車隊 ft. 阿錕 (20210827)

<p>這幅圖 to̍h 親像是英國童話「To̍h 是按呢 ê 故事」內底一篇「象仔囝」故事 ê 銀河版插圖。象管星雲 to̍h tī 懸閣遠 ê 仙王座 <br />遐，彎彎曲曲迵過發射星雲 kah 少年星團 複合體 IC 1396。倒爿 ê 宇宙象管超過 20 光年長，嘛叫做 vdB 142。這幅詳細 ê <br />望遠鏡特寫經過數位處理了後，已經 kā 看會著 ê 恆星 徙走矣。按呢 to̍h 會當看著去予風掃--出來 ê、足光 ê 山龍，kā 低溫 ê 星際 塗粉 <br />kah 氣體 ê 閬空照--出來。這个烏暗、虯做伙 ê 雲 內底有做新恆星 ê 原始材料，嘛會當 kā 原恆星藏 tī 內底。這个較暗 ê IC 1396 <br />星團複合體，差不多有 3000 光年遠。伊 tī 天頂是足大一區 ê，有 5 度遐爾闊。毋閣 這幅無恆星 ê 影像 干焦 1 <br />度闊爾爾，這个角寸尺差不多是兩粒月娘遐爾闊。是講 tī 彎彎曲曲 ê 象管星雲倒爿下跤 ê 烏暗形體，有一寡人 kā 號做 宇宙車隊。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210827/ <br />影像：Robert Eder <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210827.html <br /> <br/>Powered by <a href="https://firstory.me">Firstory Hosting</a></p>