218. Abell 3827：互食星團 ê 重力透鏡 ft. 阿錕 (20210823)

<p>這是一个抑是三个星系？這張 哈伯影像 是大質量星系團 Abell 3827。伊 ê 正爿，看起來足無四常 ê，彎彎曲曲、閣有三个中心。有一个 較詳細 ê 分析 <br />表示，這是仝一个背景星系 ê 三个影像，而且上無猶閣有四个影像才著。咱看著 ê 光，是背景一个藍光星系發--出來 ê。光 ùi 幾若條無仝 ê 光路 <br />迵過星系團複雜 ê 重力到遮，to̍h 親像遠方 ê 光 ùi 幾若條無仝 ê 光路迵過紅酒杯仔 ê 頷頸 仝款。研究 像 Abell 3827 這款星系團 <br />kah in ê 成員 星系是按怎 kā 遠方 ê 光拗彎去，會當予咱 知影 質量 kah 烏暗物質 ê 分佈狀況。Abell 3827 足遠 ê，伊 ê <br />紅移是 0.1。伊 ê 光是 13 億年前 發--出來 ê，比 恐龍 tī 地球賴賴趖彼陣閣較早。所以，星系團 ê 中心星系，經過一改 星系互食 了後，這馬 <br />tī 星系團中央合併做 一个巨型星系。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210823/ <br />影像：ESA/Hubble & NASA, R. Massey <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210823.html <br /> <br/>Powered by <a href="https://firstory.me">Firstory Hosting</a></p>