#185 月光下 ê 愛神 kah 戰神 ft. 阿錕 (20210716)

<p>月光下 ê 愛神 kah 戰神 <br />https://apod.tw/daily/20210716/ <br /> <br />這張相片是 7 月 11 tī 地球 ê 剛果民主共和國 Lualaba 省翕 ê。金星，是用羅馬 ê 愛神號 ê 名。火星，to̍h 是戰神 ê 意思。In <br />kah 月光 to̍h 做伙 tī 這个安靜 ê 天景內底。這是 tī 日頭落山無偌久，西爿猶閣有微光彼陣感光 ê。嘛有翕著 少年 ê 新月，是 地光 kah <br />月球本來烏暗 ê 彼面照予光。月娘 to̍h 繼續行。金星這粒 暗頭仔星 猶 tī 西爿爍咧爍咧。伊是地球天頂第三光 ê 天體，排 tī 日頭 kah <br />月娘後壁。Tī 7 月 13 這工，金爍爍 ê 金星頭頂，有火星離伊閣較近，距離差不多是一粒月娘 tī 天頂 ê 大細。火星 tī 暗頭仔這陣沓沓仔散步，離較光 <br />ê 金星愈行愈遠。毋閣 in 兩粒攏 tùi 足光 ê 恆星軒轅十四 ê 方向行倚。軒轅十四是獅仔座 ê Alpha 星，伊 to̍h tī 這張相片 ê <br />頂懸。紲落來這幾工 tī 暗頭仔 ê 天頂，會有 金星 kah 紲落來 ê 火星來揣咱𨑨迌。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Shi Huan <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210716.html <br /> <br/>Powered by <a href="https://firstory.me">Firstory Hosting</a></p>