圓形 ê 日暈 ft. 阿錕 (20210610)

<p>圓形 ê 日暈 <br />https://apod.tw/daily/20210610/ <br /> <br />你敢有想欲看著 kā 日頭箍牢 ê 環？Tī 全世界 ê 日時欲看著這个景色，攏是 真簡單 ê 代誌。這是薄懸卷雲內底 無仝方向排列 ê 冰晶 產生 ê 22 <br />度闊 ê 圓形日暈，是比虹較捷看著。這張影像是 5 月 29 tī 意大利 羅馬 附近，用智慧型手機仔 翕 ê。你若是較細膩 kā 日頭閘 <br />leh，差不多用一个指頭仔尾，按呢你 to̍h 會當看著 平常時看會著 ê 日暈環。這个日暈 ê 特徵角度，差不多愛 kā 你 ê 手骨伸長，指頭仔拍開，ùi <br />大頭拇 kah 尾指 ê 角度欲仝。若是欲看 火環日食，是有較困難。今仔日（6月10號）拄仔好會當看著這个特殊 ê 環形日食，嘛叫做 火環。你若是徛 tī <br />月球產生 ê 狹細烏影帶內底，to̍h 有法度看著。這个烏影帶迒過加拿大、格陵蘭、北極、kah 露西亞東爿。毋閣日偏食會當 tī 較闊 ê 範圍 <br />看著，包括亞洲北爿、歐洲、kah 美國 ê 一部份。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Vincenzo Mirabella <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210610.html <br /> <br/>Powered by <a href="https://firstory.me">Firstory Hosting</a></p>