仙后座內底一个足光 ê 新星 ft. 蔡老師 (20210607)

<p>仙后座內底一个足光 ê 新星 <br />https://apod.tw/daily/20210607/ <br /> <br />仙后座內底彼粒新 ê 光點是啥物？是新星啦！雖然講 新星 定定出現 tī 宇宙內底，毋閣這粒叫做 Cas 2021 抑是 V1405 Cas ê 新星，頂個月 <br />tī 地球 ê 天頂變足足足光 ê，光到 直接用目睭 to̍h 看有。新星 Cas 2021 上早是 tī 三月中變光 ê，閣較予人想袂到 ê 是，伊 tī <br />五月中連紲一禮拜，又閣 變閣較光矣。這粒新星隨閣變暗去，轉去到五月初 ê 光度。毋閣這馬又閣小可仔變較光矣，而且用雙筒望遠鏡 to̍h 看會著。箭頭比 ê <br />彼搭，to̍h 是這粒新星出現 ê 所在。伊 to̍h tī 仙后座 ê 方向，離 氣波星雲 袂傷遠。新星是 ùi 白矮星演化來 ê。白矮星是 雙星系統 內底 <br />ê 其中一粒，伊 ùi 伊 ê 星伴 吸積物質，落尾產生 熱核爆炸，ùi 白矮星 表面 噴出來。毋閣這个爆發 ê 詳細狀況，咱這馬猶毋是真清楚。新星 ê <br />產生袂毀滅本底 ê 恆星，而且 有一寡仔會閣再爆發。這張影像 是 tī 美國 Michigan 州 Detroit 市 翕--ê，是 kā 14 點鐘久 ê <br />影像疊做伙 ê。專業天文學家 kah 業餘天文學家會繼續監看 新星 Cas 2021，嘛會 用假說來解說 造成這个現象 ê 詳細理由。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Chuck Ayoub <br />音樂：PiSCO - 鼎鼎 <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap210607.html <br /> <br/>Powered by <a href="https://firstory.me">Firstory Hosting</a></p>