241. 好奇號翕 ê 火星 360 度全景圖 ft. 阿錕 (20210914)

<p>這是 ùi 佗一爿 peh-khì-lih Sharp 山？9 月初，好奇號機器人探測車 繼續 peh-khì-lih Gale 隕石坑 內底 ê <br />中央山領。伊是為著欲揣閣較濟 古早時代 ê 水 ê 線索，kah 未來火星是毋是會當 提供生物生存 ê 證據。這是最近 <br />火星早起時，探測車欲開始鑽空探索進前，翕著這張 360 度 ê 全景圖。這一部份嘛是為著欲 kā 好奇號 tī 地球 ê 人類團隊鬥相共，予 in 畫火星 ê <br />地景 kah 設計未來可能欲行 ê 路線。水平方向壓縮 ê 影像有一个迒過火星 ê 美麗遠景 去予翕著，內底有 一重一重 ê 山崙、紅色 ê 岩石地表、殕色 ê <br />流沙、kah 厚塗粉 ê 大氣。中央倒爿 ê 山叫做 Maria Gordon 坎，是 leh 紀念一个 有名 ê 蘇格蘭地質學家。目前 ê 計畫 <br />是欲指揮好奇號 tī 探索 路線中，行倚到 Gordon Notch ê 正爿，研究 煞了後 to̍h 離開遐。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210914/ <br />影像提供：NASA, JPL-Caltech, MSSS <br />資料處理 kah 許可：Elisabetta Bonora & Marco Faccin (aliveuniverse.today) <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210914.html <br /> <br/>Powered by <a href="https://firstory.me">Firstory Hosting</a></p>