行星形星雲 Mz3：狗蟻星雲 ft. 阿錕 (20210425)

<p>行星形星雲 Mz3：狗蟻星雲 <br />https://apod.tw/daily/20210425/ <br /> <br />這隻狗蟻敢毋是一个大球體？行星形星雲 Mz3 是一个去予像咱 太陽 仝款 ê 恆星 kā 擲--出去 ê 物質，所以一定是圓--ê。毋閣，是按怎這个 噴--出去 <br />ê 氣體生做 狗蟻形，毋是圓 ê？這个線索可能會當 tī 這个去予用一秒鐘 1000 公里緊 ê 速度噴--出去 ê 氣體，這个 光年 長 ê <br />結構，閣有這个星雲中心 恆星 ê 磁性 內底揣著。另外一个可能 ê 答案，是 Mz3 閣藏一粒較暗 ê 恆星，踅 較光彼粒 leh 行。有一个可能性較懸 ê <br />假設 講，是中心恆星 ê 自旋 kah 磁場 leh 引導氣體。因為這个中心恆星 敢若 kah 咱 ê 太陽足仝 ê，天文學家 希望會當 閣較了解 這隻大隻太空 <br />狗蟻 ê 歷史。按呢 to̍h 會當提供有路用 ê 見識，予咱了解咱 ê 太陽 kah 地球 ê 未來。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像： <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210425.html <br /> <br/>Powered by <a href="https://firstory.me">Firstory Hosting</a></p>