959. Webb 太空望遠鏡 翕--ê 無四常 ê 捲螺仔星系 M66 ft. 阿錕 (20230829)

<p>是按怎這个捲螺仔星系 M66 無對稱？一般講來，氣體、塗粉、新形成 ê 恆星 ê 密度波 是 踅 捲螺仔星系 ê 中心 leh 行，星系應該會誠做 對稱 ê 形體。M66 ê 捲螺仔手骨 kah 星系核 會徙位，可能是伊進前捌發生 kah 其他星系產生交互作用，引潮力 kā 附近 ê 厝邊星系 M65 kah NGC 3628 搝過來。這張星系相片 是 James Webb 太空望遠鏡 tī 紅外線 翕--ê。伊有 10 萬 光年 闊，chhāi tī 3500 光年 遠 ê 所在，是 獅仔座三生仔 內底上大粒 ê 星系。M66 kah 足濟 捲螺仔星系 仝款，攏有長閣複雜 ê 塗粉帶。Tī 伊 ê 捲螺仔手骨頂懸，有足濟 光爍爍 ê 恆星 kah 星系間塗粉。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230829/ <br />影像來源：NASA, ESA, CSA, JWST <br />資料處理：Brian Tomlinson <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230829.html</p> <br /> <br/>Powered by <a href="https://firstory.me">Firstory Hosting</a>