537. Gaia 衛星天文台資料 建構 ê 銀河 3D 運動 ft. 阿錕 (20220706)

<p>咱 ê 天頂就 kah 溪流仝款，足濟恆星嘛 tī 天頂流動。這个證據，這馬就 tī 這張 最近 ùi ESA Gaia 衛星天文台 提著 ê 觀測資料建構出來 ê 天空圖內底。這內底有 銀河 2600 萬粒恆星 ê 運動路線。藍色是恆星向咱倚 過來，紅色是恆星離開咱。彼寡線是 恆星 tī 天頂 ê 運動路線。倒爿較藍彼區 kah 正爿較紅彼區表示講，銀河系內底恆星 ê 整體運動是 踅銀河中心咧行。毋閣，圖中央彼區，是 太陽相對 銀河中央棍仔 ê 剛性轉踅運動。看起來敢若 kah 銀河整體運動是倒爿 ê。了解 這寡 恆星運動 ê 細節，會當 幫贊咱 閣較了解咱 銀河系 複雜 ê 歷史 kah 咱太陽 ê 起源。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220706/ <br />影像來源 kah 許可：ESA, Gaia, DPAC <br />文稿：Ata Sarajedini (Florida Atlantic U., Astronomy Minute podcast) <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220706.html</p> <br /> <br/>Powered by <a href="https://firstory.me">Firstory Hosting</a>