毛蟹星雲脈動星 ê 閃光 ft. 阿錕 (20210209)

毛蟹星雲脈動星 ê 閃光 <br />https://apod.tw/daily/20210209/ <br /> <br />這款爆炸一般來講會當毀滅咱 ê 太陽，毋閣這个爆炸煞留落來矣。伊用一秒鐘 30 輪 ê 速度 leh 自旋，伊嘛是因為踅遮爾緊才出名 ê。伊 to̍h 是毛蟹星雲脈動星，是產生毛蟹星雲 ê 超新星爆炸了後，才演化做一个會轉踅 ê 中子星。你若是斟酌 kā 看，to̍h 會 tī 這个縮時攝影影片 ê 中央面頂，看著脈動星 ê 閃光。這个影片是 kā 足濟張脈動星發光 ê 相片，閣有其他相關 ê 影像接做這个影片。毛蟹星雲脈動星 ê 閃光，上早是 1957 年一个查某人參加 tī Chicago 大學舉辦 ê 天文觀測之夜 ê 公開活動發現 ê。毋閣彼陣無人相信伊。脈動星 ê 祖先，超新星爆炸，tī 西元 1054 年 to̍h 已經有真濟人看著矣。這个脹風 ê 毛蟹星雲 to̍h 產生一个足媠 ê、脹大 ê 氣體雲，tī 足濟波段 ê 電磁波 leh 發光。這个脈動星，應該是超新星爆炸了後活落來 ê，因為伊是由痟密 ê 量子簡併物質組成 ê。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Martin Fiedler <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210209.html <br /> <br/>Powered by <a href="https://firstory.me">Firstory Hosting</a>