943. NGC 1360：花眉仔卵星雲 ft. 阿錕 (20230805)

<p>這个美麗 ê 星雲 是 tī 1500 光年遠 ê 所在。Tī 這个望遠鏡景色內底，伊 ê 形體 kah 色光，予人感覺伊看起來 敢若是花眉仔卵。這个宇宙雲有 3 光年闊，就 tī 南方星座 天爐座 ê 邊界內底。NGC 1360 是行星形星雲，是卵形--ê，毋過伊毋是恆星拄開始 ê 階段。伊是一粒 較老 ê 恆星，是恆星演化到上尾一个足短 ê 階段。實際上，咱會當 tī 這張圖 ê 中心看著一粒中心恆星，伊是一个雙星系統，應該是有 2 粒演化尾期 ê 白矮星 組成--ê。In ê 紫外光輻射 足強--ê，這 tī 可見光看袂著。輻射能 kā 包 tī 白矮星外口 幾若層氣體內 ê 原子 ê 電子 擲出去。NGC 1360 顯目 ê 青藍色，是電子 kah 雙離子化酸素原子 複合 ê 時陣 產生 ê 強輻射光。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230805/ <br />影像：Dong Liang <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230805.html</p> <br /> <br/>Powered by <a href="https://firstory.me">Firstory Hosting</a>