749. Hubble 翕--ê 球形星團 NGC 6355 ft. 阿錕 (20230130)

<p>球形星團 以前 sī 銀河系 上主要 ê 成員。古早古早 以前，咱銀河 拄形成 ê 時陣，內底差不多有幾若千个球形星團。今仔日干焦賰無夠 200 个。Tī 咱銀河過去 ê 歷史，有足濟球形星團 因為一直相拄、抑是行過 銀河中心 附近，煞去予搝散去。賰 ê 星團遺跡 sī 比 地球 ê 化石 閣較老，嘛比 咱銀河內底任何結構 閣較老。這會當幫贊咱 揣出 宇宙原始年歲 ê 範圍。咱 銀河系 內底 ê 少年球形星團 實在 sī 足少--ê，因為 這个環境 無法度形成較濟球形星團。這張影像 sī 用 Hubble 太空望遠鏡 去看 已經 130 億歲 ê NGC 6355。伊 sī 目前行過 銀河中心 附近、猶無去予拆散 ê 球形星團。球形星團內底 ê 恆星攏 集中 tī 影像中心，而且較光 ê 藍色恆星 sī 足明顯--ê。其他 tī 影像內底較暗、較紅 ê 恆星，只是拄仔好出現 tī NGC 6355 ê 方向附近爾爾。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230130/ <br />影像：ESA/Hubble &amp; NASA, E. Noyola, R. Cohen <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230130.html</p> <br /> <br/>Powered by <a href="https://firstory.me">Firstory Hosting</a>