588. Webb 太空望遠鏡 翕--ê 木星 ft. 阿錕 (20220830)

<p>這張木星 ê 新相片當咧發光。這是新 ê James Webb 太空望遠鏡 (Webb) 翕 ê 高解析度 紅外線 木星 影像。咱會當看著咱進前毋知 ê 部份，比論講 浮懸較光 ê 雲（嘛包括 大紅斑）kah chhāi 低較暗 ê 雲 有啥物無仝。這張 Webb 影像 嘛會當清楚看著 木星 ê 塗粉環，南北極較光 ê 極光，閣有木星 ê 衛星，木衛五 Amalthea kah 木衛十五 Adrastea。有大火山 ê 木衛一 Io，伊頂懸 ê 帶電粒子 ùi 磁場漏仔送到 木星 ê 南極，就變做 咱看著 ê 極光。有一寡天體是遮爾光，予光 tī Webb ê 光學系統 附近出現 繞射效應，產生 光巡。Webb 是 tī 地球邊仔 踅太陽咧行 ê 太空望遠鏡。伊 ê 鏡是超過 6 公尺闊，是 目前為止 發射出去 ê 天文望遠鏡內底上大--ê，是 Hubble 收集光線能力 ê 15 倍大。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20220830/ <br />影像來源：NASA, ESA, CSA, Jupiter ERS Team <br />資料處理：Ricardo Hueso (UPV/EHU) &amp; Judy Schmidt <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap220830.html</p> <br /> <br/>Powered by <a href="https://firstory.me">Firstory Hosting</a>