223. NGC 7023：尾蝶花星雲 ft. 阿錕 (20210903)

<p>這寡宇宙雲已經 tī 1300 光年遠 ê 所在開花，to̍h tī 會當產生足濟恆星 ê 仙王座 遐。NGC 7023 閣叫做尾蝶花星雲，毋若伊會予人想著 花 <br />ê 星雲。這个 深空望遠鏡影像 展示 ê 尾蝶花星雲 ê 色光 kah 對稱性，to̍h 去予邊仔 ê 星際塗粉箍 tī 內底。Tī 尾蝶花星雲內底，厚塗粉 ê <br />星雲材料內底是一粒高溫少年 ê 恆星。這个較光 ê 反射星雲 ê 主要色光是藍色，是塗粉粒反射恆星光 ê 特性。反射星雲 ê 中央雲絲 發出 微微 ê <br />紅光。這是光致發光，是塗粉粒 kā 目睭看袂著恆星 ê 紫外光輻射，足有效率 kā 轉做 可見光 ê 紅光。紅外線 觀測 表示講，這个星雲有親像 PAHs <br />這款複雜 ê 碳分子。尾蝶花星雲 厚塗粉 ê 藍色花葉，差不多有 6 光年闊。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20210903/ <br />影像：Satwant Kumar <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210903.html <br /> <br/>Powered by <a href="https://firstory.me">Firstory Hosting</a></p>