#194 愛會記得 NEOWISE 彗星 ft. 阿錕 (20210731)

<p>愛會記得 NEOWISE 彗星 <br />https://apod.tw/daily/20210731/ <br /> <br />這是舊年 7 月才翕 ê。你若是有看著 北斗星，你 to̍h 會當 tī 你 ê 夜空揣著 NEOWISE 彗星。日落了後，北方 ê <br />住民會當用目睭直接看著這粒彗星。伊 to̍h tī 這塊有名 ê 天頂碗公下底，kah 西北爿 ê 地平線面頂。這粒彗星看起來敢若是一粒霧霧 ê <br />恆星拖一條尾溜。毋閣這條尾溜比頂遍記錄著 ê 較短。頂遍是 2020 年 7 月 23 彗星倚地球上近彼陣，tī Czech 共和國翕著 ê <br />難忘天景。C/2020 F3 (NEOWISE) ê 相片，定定看會著這粒彗星較闊 ê 塗粉尾溜，kah 較暗、分較開 ê 藍色離子尾溜，湠到 目睭看袂著 ê <br />所在。世界各國 ê 觀星者實在是 真歡喜看著 NEOWISE 彗星。伊是 ùi 別个太陽系來的人客。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Petr Horalek / Institute of Physics in Opava <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210731.html <br /> <br/>Powered by <a href="https://firstory.me">Firstory Hosting</a></p>