獨創號 ê 第 39 工火星日 ft. 阿錕 (20210403)

<p>獨創號 ê 第 39 工火星日 <br />https://apod.tw/daily/20210403/ <br /> <br />這張影像是第 39 工火星日（三月 30），火星 ê 獨創號直升機 暫時停 tī 毅力號探測車 ê 腹肚下跤 ê 時陣翕 ê。獨創號 ê <br />四支停車跤攏放落來矣。這張 ùi 塗跤翕 ê 拼接影像，是用探測車 ê SHERLOC 機器人手骨 ê WATSON kha-mé-lah 翕 ê。Tī <br />影像中央附近，這台實驗性 ê 直升機 to̍h 暫時停 tī 火星塗跤面頂幾若公分懸 ê 所在。咱會當看著毅力號 ê 跤跡，ùi 探測車 ê 輪仔延長到 <br />Jezero 石坑 ê 坑仔墘，差不多 2 公里遠 ê 所在。獨創號 tī 地球有 1.8 公斤重，抑是 4 磅重。按呢差不多是 tī 火星 ê 0.68 公斤 <br />重，抑是 1.5 磅重。伊 ê 車葉仔有 1.2 公尺長。火星大氣層 ê 密度是地球 ê 1 葩爾爾。這台飛行器準備欲 tī 火星日 第 48 工（四月 8 <br />號）以後，進行 tī 地球以外 ê 行星，第一擺 ê 動力飛行。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：NASA / JPL-Caltech / MSSS <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap210403.html <br /> <br/>Powered by <a href="https://firstory.me">Firstory Hosting</a></p>