926. 阿波羅 11 號：有去予日光照著 ft. 阿錕 (20230729)

<p>月球頂懸 ê 日光是足光--ê，才會 tī 月球表面 產生這个長長烏烏 ê 烏影。這是 54 年前，1969 年 7 月 20 彼陣，阿波羅 11 號 ê 太空人 Neil Armstrong 翕--ê，伊是頭一个行 tī 月球表面 ê 人。相片翕著--ê 是 登月任務 ê 登月小艇，鴟鴞號，kah 穿太空衫 ê 登月小艇 飛行員 Buzz Aldrin。Aldrin 當 leh kā 一張 長長 ê 紙箔拍開，目的是欲做 太陽風成份實驗。這張紙箔面對太陽，按呢會當掠著 太陽風向外口流出來 ê 粒子，提著太陽本身 ê 物質標本。太陽風收集器 會 kah 月球頂懸 ê 岩石 kah 月球塗肉標本 做伙送轉來地球 ê 實驗室做分析。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20230729/ <br />影像來源：Apollo 11, NASA <br />影像掃描：Kipp Teague <br />音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap230729.html</p> <br /> <br/>Powered by <a href="https://firstory.me">Firstory Hosting</a>