703. Juno 太空船 飛過 木衛三 Ganymede kah 木星 ft. 阿錕 (20211011)

<p>飛過 太陽系 上大粒衛星 毋知是啥款？Tī 六月 ê 時陣，Juno 機器人太空船 飛過 木星 ê 大衛星 木衛三 Ganymede。彼陣翕 ê 幾若張相片，已經數位化，用來建構飛過 木衛三 Ganymede ê 詳細資料矣。這支影片 開始 ê 時陣，Juno 太空船衝 tùi 這粒 2000 公里闊 ê 衛星。伊 ê 表面看起來 kan-na 兩款色調，面頂攏是溝仔 kah 隕石坑，是一个結冰 ê 外星世界。這寡 溝仔 可能是衛星地表 ê 枋塊徙動造成 ê，隕石坑應該是 較猛 ê 衝擊 造成ê。Juno 太空船繼續踅木星，嘛完成第 34 擺 ùi 木星雲 ê 面頂飛過。這个 數位建構 ê 影片 展示講，木星 ê 北部有足濟 捲踅雲，中部有彩色踅木星 ê 暗區 kah 光帶，閣有「真珠袚鍊」面頂幾若个白卵形 ê 雲，南部有閣較濟 捲踅雲。明年 9 月，Juno 太空船計畫欲飛倚木星另外一粒大衛星：木衛二 Europa。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20211011/ <br />影像：NASA, JPL-Caltech, SWRI, MSSS <br />動畫：Koji Kuramura, Gerald Eichstädt, Mike Stetson <br />影片音樂：Vangelis <br />Podcast 音樂：P!SCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap211011.html</p> <br /> <br/>Powered by <a href="https://firstory.me">Firstory Hosting</a>