256. 英仙座 ê 雙星團 ft. 阿錕 (20211008)

<p>這个 tī 北方 英仙座 ê 美麗星場有 3 粒月娘遐爾闊（1.5 度闊）。內底有足有名 ê 一對開放星團，英仙座 η kah χ。In 嘛去予編做 NGC 869 (頂懸) kah NGC 884。兩个星團攏是 tī 7000 光年遠 ê 所在，內底攏有比太陽較少年、較高溫 ê 恆星。兩个星團互相離幾若百光年遠爾爾。按照 內底 逐粒恆星 ê 年歲來看，兩个星團攏是 1300 歲，表示講 in 是仝一个 恆星形成區 ê 產物。雙星團若是 tī 較暗 ê 所在，用目睭 to̍h 看有，所以一直攏是 雙筒望遠鏡愛看 ê 目標。這張充滿活力 ê 望遠鏡景色，是用幾若條 gih-tah ê 弦 tī 彩色恆星影像面頂，產生 繞射光點。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />https://apod.tw/daily/20211008/ <br />影像：Jack Groves <br />音樂：PiSCO - 鼎鼎 <br />聲優：阿錕 <br />翻譯：An-Li Tsai (NCU) <br />原文：https://apod.nasa.gov/apod/ap211008.html <br /> <br/>Powered by <a href="https://firstory.me">Firstory Hosting</a></p>