Tī Uluru 天頂 ê 爍爁 kah 獵戶座 ft. Tsai-Wen Lin (20210511)

<p>Tī Uluru 天頂 ê 爍爁 kah 獵戶座 <br />https://apod.tw/daily/20210511/ <br /> <br />Tī Uluru 後壁是發生啥物代誌咧？Uluru 是 聯合國世界遺址，是 tī 澳洲 中部足特別 ê 山。伊有 350 公尺懸，是 tī 平地雄雄生出來 <br />ê。Uluru ê 成份是 沙岩。伊是 tī 過去 3 億年 ê 時間內底，較軟 ê 岩石去予侵蝕 ê 時陣 沓沓仔形成 ê。這張影像 ê 背景是 tī 5 <br />月中翕 ê，看會著一陣雷公雨。Tī Uluru kah 雷公雨 後斗閣較遠彼搭，是 天星滿滿是 ê 夜空，閣看會著明顯 ê 獵戶座。Uluru 區 自 <br />22,000 年前 to̍h 有人蹛矣！遐 ê 原住民 長久以來攏認為，這个 現代星座獵戶座 ê 恆星 若是出現 tī 夜空，彼个有 爍爁風暴 ê 熱天 <br />to̍h 隨欲來矣。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Park Liu <br />音樂：PiSCO - 鼎鼎 <br />聲優：Tsai-Wen Lin <br />翻譯：An-Li Tsai (NCU) <br />原文：https://apod.nasa.gov/apod/ap210511.html <br /> <br/>Powered by <a href="https://firstory.me">Firstory Hosting</a></p>