HD 163296：恆星形成過程產生 ê 噴流 ft. 蔡老師 (20210622)

<p>HD 163296：恆星形成過程產生 ê 噴流 <br />https://apod.tw/daily/20210622/ <br /> <br />恆星形成 ê 時陣是按怎產生噴流 ê？無人有答案。雖然講少年恆星系統 HD 163296 最近 ê 影像敢若有揣著一寡希望。影像 ê 中心恆星這馬當 leh <br />形成，毋閣伊已經有 踅伊 leh 行 ê 盤面 kah 噴出 ê 噴流 矣。這个盤面是用 電波 波段看 ê，是用 tī 智利 ê Atacama <br />大型次毫米波陣列 (ALMA) 望遠鏡翕--ê。盤面 ê 溝仔 是 足少年 ê 行星 之間因為重力作用產生 ê。這个噴流是用 可見光 波段看 ê，嘛是用 tī <br />智利 ê 超大望遠鏡 (VLT) 翕--ê。伊 ùi 盤面中心噴出 ê 氣體速度有夠緊 ê，主要 ê 成份是 水素。這个系統是地球到太陽距離 (AU) ê <br />幾若百倍。這寡新 ê 觀測細節會當用來 解說 支持 ê 理論是講，噴流 上無有一部份是 ùi 轉踅 ê 盤面中心 ê 磁場 產生 kah 塑形 ê。未來 tùi <br />HD 163296 抑是 其他類似 ê 恆星形成系統 ê 觀測，會當幫贊咱了解 in ê 詳細狀況。 <br /> <br />——— <br />這是 NASA Astronomy Picture of the Day ê 台語文 podcast <br />原文版：https://apod.nasa.gov/ <br />台文版：https://apod.tw/ <br /> <br />今仔日 ê 文章： <br />影像：Visible: VLT/MUSE (ESO); Radio: ALMA (ESO/NAOJ/NRAO) <br />音樂：PiSCO - 鼎鼎 <br />聲優：蔡老師 <br />翻譯：An-Li Tsai (NCU) <br />原文：https://apod.nasa.gov/apod/ap210622.html <br /> <br/>Powered by <a href="https://firstory.me">Firstory Hosting</a></p>